तिमीलाई पाएपछी ........

 

लेख्न थाले गजल मैले तिमीलाई पाएपछी 

मन मस्तिस्क मै तिम्रो तस्बिर बारम्बार आएपछी। 

आँफैमा खुशी देख्न थालेको छु आजकाल 

सुख दु:ख तिमी सगै साट्न थालेपछी । 

आट , हिम्मत बड्दै छ सिक्दै छु रिस्क लिन पनि

 हौसला र उत्प्रेरणा को गीत तिमीले नै गाएपछी । 

सपना त सपनै हो भनी देख्न पनि सिकायौ 

भन्छौ जहिले सम्भब छ सबै सगै पाइला चालेपछी । 

मन नै आनन्दित भाको छ छैन सुर चिन्ता 

मायाको मिठो  सितलपन जीवनभरी छाएपछी । 

कहाली लाग्दो लाग्ने जीवन अहिले सार्थक देख्दै छु 

अहो ! धन्य पो भएको छु म तिमीलाई पाएपछी ।